في مناسبة ثانية, اجت وحدة على محل صاحبنا و أخذت تعاين البضاعة الموجودة, ووقفت قدام مجموعة فناجين قهوة, بانت على وجهها الحيرة و قالت لصاحب المحل: عندك فناجين قهوة زي هاي بس ايدها على اليمين مثل الي عند جارتنا أم فلان! صفن الزلمة شوي و فكر شوي وبعدين قاللها: أه, فهمت عليكي, انت بدك من الفناجين الي ايدها على اليمين مش الي ايدها على اليسار! أمممم. دقيقة. وقرب الزلمة على واحد من الفناجين المعروضة و لف ايد الفنجان بكل هدوء 180 درجة و المرأه بتتطلع عليه بذهول. بس خلص قاللها: بدك اياهم زي هيك يعني. فعم السرور على وجه المرأه و قالتلوا: أيوه, أيوه أعطيني 12 حبة من هاظ النوع, بس تأكد أنوا كلها ايدها على اليمين! اللهم اجعلنا من ذات اليمين و ثبت علينا العقل و الدين يا أرحم الراحمين
ليست هناك تعليقات:
إرسال تعليق