أنا مرة زمان و أنا عزابي قررت اشتري تذكرة سفر أبوظبي – عمان – أبوظبي على نفس الطيارة يعني رايح على عمان و راجع بعد ما أوصل مباشرة (لاسف ما لقيت على نفس شركة الطيران فانجبرت أشتري تذكرة أبوظبي – عمان على الملكية و تذكرة عمان – أبوظبي على طيران الخليج) ! المأساة أنو أيامها دفعت ثمن التذكرتين بما يعادل ثلث راتبي الشهري. التفاصيل, يومها كنت زهقان و قرفان و مافي اشي أعملوا يوم السبت, فرحت و حجزت تذكرة عشان أضيع وقت فمنها بأكل وجبة على الطيارة و بشوف فلم على الطيارة و بشرب قهوة في مطار عمان و برجع بأكل كمان وجبة على الطيارة و بشوف كمان فلم على الطيارة و بروح, ولاحد من شاف ولاحد من دري, وفعلا يومها ما حكيت لحدى و لاحتى لامي أو أبوي. فكانت مغامرة من الاخر
ليست هناك تعليقات:
إرسال تعليق