لقد قررنا أنا و زملاء الي زيارة صديق عزيز علي من عائلة الشرمان كان معي في جامعة العلوم و التكنولوجيا, وبالفعل توجهنا بالسيارة الى بلدة المزار الشمالي موطن عشيرة الشرمان, و بعد ما تهنا و ضيعنا قليلا وصلنا الى المزار, و قمنا بالتوقف عند أول دكان نسأل عن الشب, بس للاسف ما عرف الزلمة مع انوا أعطيناه الاسم كاملا. و هكذا ما خلينا حدى حتى سألناه عن الزميل بس كأنه الزلمة مش معروف بالمرة, طبعا هذا حيرنا لانو المزار بلدة صغيرة و من المفروض أنو الناس تعرف بعض و بخاصة عشيرة الشرمان من أكبر العشائر هناك! المهم بعد أكثر من ساعة توقفنا عند بيت كان قدامه شب عمره بالعشرين, و نزلت من السيارة و ألقيت عليه التحية و سألتوا, هل بيعرف فلان بن فلان الشرمان, طالب في جامعة العلوم و التكنولوجيا, خريج, شعره أسود و بليس نظارات طبية و ظليت أحكيلوا عن كل المواصفات و الصفات الى بتذكرها. الشب صفن شوي و فكر أكثر شوي و بعدين قال أه, عرفتوا, هو قال هيك و أنا طرت من الفرحة و قلتلوا الحمدالله, وين ساكن؟ فاشار بيده الى الامام و قال "هناك قدام على رأس الطلعة" فقمت بشكره و ركبت السيارة و مشينا بلاتجاه الى قالنا عنه الشب. و احنا بنمشي بالسيارة شعرنا بخبطة قوية على الزجاج الخلفي للسيارة و لما نظرت الي الخلف لقيت الشب الى دلنا على المكان يركض ورانا و برمي علينا "كدر: وهو طين من التربة الحمراء على شكل حجر بس بكون كتلة قاسية من التراب و بنلاقيه كثير في القرى الى فيها تربة حمراء و خاصة بعد المطر" طبعا وقفت السيارة و نزلنا كلنا بدنا نهاوش الشب, المسكين وصل لعدنا و هو يركض و صاح "فلان أخوي, فلان أخوي". و طلع بأخر الفلم البيت الى وقفنا عنده هو بيت زميلي و الشب هو أخوه. و بعد ما جلسنا عند زميلي و رحب فينا أجمل ترحيب سألناه عن السبب انوا الناس في المزار ما بيعرفوه. قالنا زميلي أنو الناس في المزار بتعرف بعض بالالقاب فمثلا لما بتسأل عن واحد و بتقول فلان ابن "النمر" أو فلان ابن "الصقر" بتلاقي كل الناس بتدلك على المكان. طبعا هاي القصة صارت بعام 1996 و مش عارف هسى بعصر النت هل البروتوكول بعدو نفسوا, بس احتياطا اذا حدى راح يزور حد بالمزار الاحسن يعرف "الكود" قبل ما يروح
ليست هناك تعليقات:
إرسال تعليق